Dan Rees - Nomas Foundation - Road Back To Relevance 2016

Gŵyl Rhyng-geltaidd Lorient: cyflwyno poster 2018

Gŵyl Rhyng-geltaidd Lorient: cyflwyno poster 2018

Cymru yn cael ei anrhydedddu eleni

Cymru – Gwlad Anrhydeddus

Rhwng y 3ydd a’r 12fed o Awst 2018, bydd Gŵyl Rhyng-geltaidd Lorient yn dod a chenhedloedd Celtaidd y byd at ei gilydd am y 48ain tro. Eleni, Cymru yw’r wlad anrhydeddus. Yn ôl traddodiad, mae poster yr ŵyl yn dathlu’r wlad anrhydeddus honno. Bydd y dyluniad yn cael ei ddefnyddio ym mhob dull o gyfathrebu a hysbysebu. Isod, rydym ni’n amlinellu ein proses greadigol a’r bwriad tu ôl iddi...

Y Ddraig: symbol pwerus

Wrth ddylunio Cymru’n weledol, byddai’n amhosibl peidio â chyfeirio at y ddraig sy’n hawlio’r faner Gymreig. Yma, daw’r ddraig â gwir ymdeimlad o nerth i’r llun: mae wedi’i darlunio gyda’i cheg yn agored, yn barod i danio strydoedd Lorient!

Caiff amlinelliad y ddraig ei ffurfio o’r delyn a gwisg y delynores. Mae cen ar groen y creadur yn awgrymu ei fod newydd godi o ddyfnderoedd y môr. Daw hyn ag elfen o symudiad sy’n dwyn i’r cof y cysylltiad arforol rhwng Llydaw ac Ynysoedd Prydain.

Y ddraig, gyda’i ymarweddiad llon a dyluniad graffeg addas i lyfrau plant, yw masgot yr ŵyl eleni.

Gwlad y gân

Slogan y wlad anrhydeddus eleni yw ‘Tiroedd Arthur, caneuon y beirdd a chof yr hynafiaid', ac fe fu hyn yn ganolog i’r broses greadigol a dylunio’r gwaith gweledol. Mae’r delynores yn symbol o drosglwyddo diwylliant a hanes Cymru drwy ganeuon a straeon. Y delyn yw’r offeryn o ddewis mewn parti Cymreig.

Mwynau’r tir

Mae Cymru yn doreithiog o ffosiliau, llechi a siâl. Mae’r poster yn consurio’r agwedd fwynaidd yma yng ngwead y cefndir sy’n defnyddio arlliwiau gwyrdd, eto fyth yn cyfeirio at liwiau’r faner genedlaethol.

Dehongliad deuol: beth welwch chi?

Nod y poster yw cynrychioli elfennau neilltuol Cymru: y ddraig goch a threftadaeth ddiwylliannol gyfoethog – traddodiad llafar – sy’n fwy haniaethol ac felly yn anos ei gynrychioli. Mae’r darlun yn uno’r ddwy elfen yn un: hanner-draig, hanner-telynores. Mae’r dimensiwn chwareus hwn, neu’r dehongliad deuol hwn yn tynnu sylw at natur aml-ochrog y wlad anrhydeddus eleni.

www.festival-interceltique.bzh


Festival Interceltique Lorient
Rue Pierre Guergadic
56 100 Lorient

Tel: 33 (0) 2 97 21 24 29

Yn ôl i'r rhestr o newyddion

Cymru - Tsieina 2017

Thomas Martin - Stratum 50 - Open Books

India Cymru

Hay Festival Kerala

Patagonia 150

Patagonia - Marc Rees