Ar benblwydd Dydd Miwsig Cymru yn 10 oed rydym ni am dynnu sylw chi at rhai o artistiaid anhygoel Cymru, sydd wedi bod yn perfformio ac arddangos ar lwyfannau rhyngwladol ar draws y byd, yn rhannu eu cerddoriaeth iaith Gymraeg.
Mae Dydd Miwsig Cymru yn dathlu pob math o gerddoriaeth Cymraeg. O gerddoriaeth werin draddodiadol i roc, indie, pync, hip hop, rap a phob math o gerddoriaeth arall. Mae cymaint o gerddoriaeth gwych yn cael ei gynhyrchu yma yng Nghymru, ac mae’r diwrnod hwn yn rhoi’r llwyfan i ni ddathlu’r hyn rydyn ni’n ei adnabod a’i fwynhau eisoes, yn ogystal â chyfle i arbrofi a darganfod genres newydd yn ein hiaith.
Fel rhan o Ddegawd Ieithoedd Brodorol y Cenhedloedd Unedig, mae Celfyddydau Rhyngwladol Cymru wedi bod yn helpu artistiaid yng Nghymru i gysylltu ag artistiaid Brodorol a gwrando ar eu hieithoedd. Rydyn ni wedi bod yn holi’r cwestiwn ‘All gân achub iaith?’. Rydyn ni’n credu bod gan gerddoriaeth y pŵer i ysbrydoli pobl i ddefnyddio a gwarchod iaith. Mae Dydd Miwsig Cymru yn chwarae rhan allweddol yn hyn. Mae ein hieithoedd Celtaidd, fel llawer o ieithoedd Brodorol, yn fregus, ond rydyn ni’n gwybod y gall cerddoriaeth a’r celfyddydau danio hyder, creadigrwydd a gwerthfawrogiad newydd am ddeallusrwydd Brodorol.
Dyma rai artistiaid sydd wedi bod yn perfformio ar lwyfannau rhyngwladol dros y flwyddyn ddiwethaf.
Cerys Hafana – Llwyfan Horizons yn WOMEX 2024
Mae Cerys Hafana yn canu’r delyn deires ac yn cyfansoddi alawon Cymreig sy’n manglo, treiglo a thrawsnewid cerddoriaeth draddodiadol. Maent yn archwilio posibiliadau creadigol deunyddiau archifol, caneuon gwerin a salmau, caneuon a ganfuwyd a phrosesau electronig, ochr yn ochr â chyfansoddiadau gwreiddiol. Maent yn dod o Fachynlleth, yng nghanolbarth Cymru, lle mae afonydd a ffyrdd yn cyfarfod ar y ffordd i'r môr.
Trac yn y fideo:
- Tragwyddoldeb – oddi ar yr albwm ‘Edyf’ o 2021
N’Famady Kouyaté – Llwyfan Horizons yn WOMEX 2024