Ochr yn ochr ag arddangosiad swyddogol Cymru a gynhelir yn Ŵyl Ymylol Caeredin rhwng 22-26 Awst, bydd carfan o artistiaid a chwmnïau perfformio sefydledig ac sy'n dod i'r amlwg yn ymuno â thîm Cymru i brofi un o wyliau theatr a pherfformio rhyngwladol mwyaf y byd, gyda chefnogaeth Rhaglen Hadu'r Dyfodol. Gallwch ddarganfod mwy am y garfan isod.

Mae’r rhaglen yn cefnogi artistiaid a chynhyrchwyr sydd eto i fynd â gwaith i’r ŵyl i wireddu eu potensial arddangos yn y dyfodol ac fe’i gweinyddir gan Celfyddydau Rhyngwladol Cymru / Cyngor Celfyddydau Cymru. Dewiswyd y garfan gan banel o arbenigwyr blaenllaw yn y diwydiant gan gynnwys Dawn Walton, Jafar Iqbal, Fadhili Maghiya, Elen Roberts, Elin Roberts, Jenny Stoves a Maggie Dunning yn cadeirio.
 

Carfan Hadu'r Dyfodol 2022

Callum Lloyd

Callum Lloyd
Actor ac awdur o Gaerdydd yw Callum Lloyd. Mae wedi gweithio gyda chwmnïau gan gynnwys Theatr y Sherman, National Theatre Wales, Dirty Protest, Bristol Old Vic, a Theatrau Rhondda Cynon Taf. Ar hyn o bryd, mae'n eistedd ar Seinfwrdd Common Wealth Theatre ac yn gobeithio dod â sioe i Gaeredin yn y dyfodol agos.

Charlotte Lewis

Charlotte Lewis
Mae Charlotte Lewis yn gyfarwyddwr rhyngwladol sy'n gweithio trwy theatr a sain. Mae ei gwaith yn cymryd eiliadau o'r bob dydd, gan eu dathlu o fewn bydoedd anghyffredin. Mae hi wedi cydweithio ag artistiaid fel Justin Teddy Cliffe a Dean Yhnell, a chwmnïau fel National Theatre Wales, Cwmni Dawns Cenedlaethol Cymru, Meta Arts India a The Artichoke Trust. Mae gwaith Charlotte hefyd yn cael ei ddylanwadu gan ei sgiliau fel Athro Yoga a Gwaith Anadlu, yn archwilio themâu a syniadau optimistaidd, ac yn rhoi lles yn ganolog iddynt.

 

Gareth Chambers

Gareth Chambers
Mae Gareth Chambers aka POPPERFACE yn mynd yn groes i fethodoleg coreograffi traddodiadol i greu perfformiadau sy’n seiliedig ar wrywdod dosbarth gweithiol, esoterigiaeth a rhyddfrydiaeth. Fel cyfarwyddwr cyswllt Jerwood olaf Opera Cenedlaethol Cymru, gwnaeth ei ymddangosiad cyntaf fel cyfarwyddwr ffilm gyda The Mystery of Evil, ffilm arswyd opera yn cynnwys sgôr Salome gan Richard Strauss. Mae perfformiad gyntaf y gyfres ddawns POPPERFACE yn dechrau ym mis Medi yn Chapter Arts, Caerdydd gyda bath sain gan CATHEDRAL HYGIENE.

Isaac George

Jukebox Collective

Mae Jukebox Collective yn gydweithfa gymunedol a arweinir gan bobl ifanc sy’n meithrin lleisiau creadigol y dyfodol. Maent yn gwneud hyn trwy eu dosbarthiadau amlddisgyblaethol, academi ac asiantaeth greadigol lle maent yn arbenigo mewn rheoli artistiaid, castio, curadu ac ymgynghori. Eu nod yw dathlu harddwch amrywiaeth a chreu gofod lle gall eu cymuned fynegi eu hangerdd a chael llwyddiant. Maent wedi eu buddsoddi mewn galluogi symudedd cymdeithasol a darparu profiadau trawsnewidiol i unigolion a chymunedau ac yn benderfynol o sicrhau bod y genhedlaeth nesaf o arweinwyr artistig yn adlewyrchu’r Gymru gyfoes fodern


Kai Hawkins - Artist Cerddorol a Chynhyrchydd

Kai Hawkins

 

Loren Henry - Cyfarwyddwr Artistig Urban Circle a G-expressions 

Loren Henry

 

Patrik Gabco - Dawnsiwr

Patrik Gabco

 

Sharifa Butterfly - Dawnsiwr ac Awdur 

Sharifa Butterfly

 

Youness El Mouaffaq - B-boy

Youness El Mouaffaq

Krystal Lowe

Krystal Lowe
Mae Krystal S.Lowe yn ddawnsiwr, coreograffydd, ysgrifennwr, a chyfarwyddwr cafodd ei eni yn Bermuda ac sydd wedi'i seilio yng Nghymru. Mae hi'n perfformio a chreu gweithiau theatr ddawns ar gyfer llwyfan, gofod cyhoeddus, a ffilm sy’n archwilio themâu hunaniaeth groestoriadol, iechyd meddwl a lles, ac er mwyn herio ei hun a chynulleidfaoedd tuag at fewnwelediad a newid cymdeithasol. Ar hyn o bryd, mae Krystal yn mynd ar daith gyda'i gwaith amlieithog (Cymraeg, Iaith Arwyddion Prydain, Saesneg) Whimsy i Grange Pavilion, yr Eisteddfod Genedlaethol, Chapter Arts, Theatr Glan yr Afon, a Gŵyl y Dyn Gwyrdd; Mae Krystal hefyd yn awdur a chyfarwyddwr  ffilm fer SEVEN, sydd wedi'i gefnogi gan Ffilm Cymru, BBC Cymru, a Rhwydwaith BFI.

LOYALTY

Mae LOYALTY yn gasgliad o bobl greadigol o liw yng Nghymru sydd wedi datblygu drwy gydol y flwyddyn ddiwethaf ochr yn ochr â derbynnydd Jerwood Live Work Fund, Connor Allen. Mae LOYALTY yn bodoli i gefnogi a meithrin y genhedlaeth nesaf o dalent yng Nghymru ac mae carfan eleni wedi elwa o gyfleoedd hyfforddi, a sesiynau mentora a Datblygiad Proffesiynol Parhaus gyda phobl fel Luisa Omielan, Rikki Beadle-Blair, Bryony Kimmings a mwy.

 

Connor Allen

 

Jodi Ann Nicholson

Jodi Ann Nicholson
Mae Jodi yn artist dawns a gweledol hil-gymysg Prydeinig/Affro-Caribïaidd wedi’i lleoli yn Ne Cymru. Wedi hyfforddi mewn dawns gyfoes yn TrinityLaban ac archwilio Celfyddyd Gain yn Ysgol Gelf a Dylunio Caerdydd, mae ei hymarfer yn chwarae gyda disgyblaethau lluosog. Wrth edrych ar ei hymarfer trwy lens â ffocws, mae gwaith Jodi yn ymwneud â deall effaith gorffennol a lle ar ei hunaniaeth. Mae ei gwaith yn aml yn hunangofiannol, gan ddod â phrofiad mabwysiadu a threftadaeth hil gymysg i'r sgwrs; wrth edrych ar ei hymarfer creadigol trwy lens eang, mae gwaith Jodi yn ymwneud â chymuned, hunaniaeth, cartref ac ymdeimlad o berthyn. Mae'n ceisio gweithio gyda phobl a chynnal sgyrsiau sy'n berthnasol iddynt mewn perthynas â chymuned, hunaniaeth, cartref a pherthyn; gyda'r nod o gysylltu a dathlu'r cymunedau yr ydym yn byw ynddynt. Mae Jodi ar hyn o bryd yn datblygu sioe unigol ymdrochol, symud a llafar, [teitl answyddogol] 'Dear, Love From' sy'n edrych ar ei pherthynas â'i mam enedigol er mwyn siarad am bynciau o colled/galar, mabwysiadu a mamau. Mae gwaith Jodi hefyd yn cynnwys: The Branches of Me, Benjamin#2, Barry Community Quilt, Moving with Benjamin a SHIRT.

 

Joel Bertram

 

Winnie Arhin

 

Rhiannon Mair

Rhiannon Mair
Mae Rhiannon Mair yn gweithio fel Ymarferydd Theatr a Pherfformio ac Ymchwilydd Creadigol.  Yn ddiweddar mae hi wedi creu a pherfformio gwaith i Theatr Volcano, gweithio fel dramatwrg ar brosiect Articulture gyda BACA, ac wedi bod yn artist arweiniol i brosiect ‘Pair’ gyda Theatr Genedlaethol Cymru. Wedi graddio mewn Theatr, Ffilm a Theledu, bu Rhiannon yn gweithio fel actores, yn bennaf i gwmni Theatr Arad Goch.  Dychwelodd i Brifysgol Aberystwyth i astudio M.A. Ymarfer Perfformio dan arweinyddiaeth Mike Pearson, cyn symud i Brifysgol De Cymru, lle bu’n ddarlithydd ar y radd BA Theatr a Drama am ddegawd.  Yn ystod ei chyfnod yno, cwblhaodd ddoethuriaeth rhannol ymarferol yn dwyn y teitl ‘Y Capel Cymraeg, Cymdogaeth a Pherfformiad’ - yn ogystal â chael dau o blant!  Mae hi wedi dyfeisio gwaith yn unigol, gyda grwpiau, ac mewn perfformiadau ar y cyd gydag Eddie Ladd, a’r artist Lowri Davies.

 

Taking Flight Theatre Company

Mae Cwmni Theatr Taking Flight yn cymryd risgiau gyda mynediad creadigol i wneud cynyrchiadau theatr feiddgar, anarferol gyda pherfformwyr Byddar, anabl ac sydd ddim yn anabl. Mae eu gwaith yn teithio o amgylch Cymru a thu hwnt ac maent yn aml yn canfod eu hunain mewn mannau anarferol, yn ogystal â lleoliadau theatr draddodiadol. Ochr yn ochr â’u gwaith teithiol, maent yn meithrin y genhedlaeth nesaf o dalent anabl, ar lwyfan a thu ôl i’r llenni. Maen nhw’n gwneud hyn drwy gynnal cyrsiau hyfforddiant proffesiynol cynhwysol a chynlluniau mentora ar gyfer pobl sy’n nodi eu bod yn Fyddar neu’n anabl ac sy’n chwilio am y cam nesaf i yrfa yn y theatr, neu i ddatblygu sgiliau presennol a magu hyder. Gyda dros 10 mlynedd o brofiad, maen nhw wedi dod yn sefydliad adnabyddus yng Nghymru ar gyfer cyngor, gwybodaeth neu ysbrydoliaeth ar integreiddio mynediad a gweithio gyda chast cynhwysol. Mae Taking Flight hefyd yn rhedeg theatr ieuenctid Cymru ar gyfer pobl ifanc Byddar a thrwm eu clyw - sef yr unig theatr o'i fath yng Nghymru.

 

Ciaran Fitzgerald

Ciaran Fitzgerald
Mae Ciaran Fitzgerald yn newyddiadurwr anabl o Bort Talbot yn Ne Cymru a graddiwyd o Brifysgol De Cymru yn 2019 o gyda BA Sgriptio . Ers graddio, mae Ciaran wedi ysgrifennu darnau byr ar gyfer Gŵyl Artistiaid Ifanc The Other Room yn 2018 & 2019. Yn 2019, comisiynwyd ei ddrama gyntaf Chasing Rainbows ar gyfer ymchwil a datblygu gan Ganolfan Celfyddydau Pontardawe. Mae wedi bod yn aelod o Sgwenwyr Ifanc Fran Wen, grŵp awduron Cymraeg, a Cynllun Mentora Oli Lansley ar gyfer awduron sy’n cael ei redeg gan WildChild. Cafodd darn o’i ddrama Blockbusters ei arddangos yn y Park Theatre, Llundain ym mis Medi 2021. Ar hyn o bryd mae’n datblygu ei gomisiwn teledu cyntaf ‘The Special Ones’ gyda Tiger Aspect Productions a ‘The Old Enemy’ gyda Rangabee. Cafodd ei gomisiynu gan Theatr Clwyd yn Haf 2021 i ysgrifennu drama deg munud ar gyfer eu prosiect ‘Curtain Up’. Mae Ciaran hefyd yn gweithio gyda The Other Room Theatre i ddatblygu ei ddrama ‘Cariad Traws Gwlad,’ ac roedd hefyd yn aelod o Grŵp Awduron Theatr Sherman ar gyfer 2021-22. Mae gan Ciaran parlys yr ymennydd, ac mae ei brofiad bywyd o anabledd yn llywio llawer o'i ysgrifennu.

 

Emily Rose

Emily Corby
Artist byddar o Gymru yw Emily Rose sy’n gweithio i Deaf Hub. Mae Emily wedi byw mewn llawer o lefydd ond mae’n dod yn ôl i Gaerdydd o hyd ac mae’n teimlo mai dyna lle mae ei chalon mae’n debyg! Mae’n gobeithio y bydd Caeredin yn rhoi llwybr iddi ddod o hyd i le y gallai fwynhau gweithio, ac mae hefyd yn gobeithio cael rhai cyfleoedd ym myd gwaith theatr.

 

Mason Lima Jones

Mason Lima Jones
Mae Mason Lima-Jones yn artist tecstilau Ôl-raddedig o Gaerdydd sydd ag ADHD a Dyslecsia. Mae hi wrth ei bodd yn gweithio gyda ffabrig ac edau gan ddefnyddio dulliau traddodiadol a modern o decstilau, argraffu sgrin a lliwio ffabrigau. Taking Flight fydd ei cham gyntaf i’w breuddwydion o weithio yn y diwydiant gwisgoedd theatr, gan ehangu ei gwybodaeth a’i phrofiadau mewn amgylchedd gwaith theatr proffesiynol.

 

Macsen McKay

Macsen McKay
Actor a gwneuthurwr theatr o Gaerdydd yw Macsen McKay. Mae wedi gweithio gyda chwmnïau fel Told By An Idiot, The Llanarth Group, Theatr Genedlaethol Cymru, ac mae’n gyffrous i fod yn perfformio gyda Taking Flight eto ar ôl gweithio gyda nhw ar ‘The Curious Case of Aberlliw’ ledled Cymru yn gynharach eleni.

Meddai Maggie Dunning, sy’n rheoli prosiect Dyma Gymru yng Nghaeredin: “Rydyn ni’n teimlo’n gyffrous iawn yn gallu cefnogi grŵp unigryw o artistiaid a chynhyrchwyr i fynd i’r Ŵyl Ymylol eleni, ac yn gobeithio y bydd y cyfle hwn yn eu galluogi i brofi sut beth yw arddangos mewn ffordd newydd. Roedd ansawdd y ceisiadau i’r rhaglen hon yn eithriadol, ac mae nifer yr artistiaid llwyddiannus yn dangos y dalent gyffrous sy’n cael ei meithrin ym mhob cwr o Gymru.”
 

Bydd y garfan yn meddiannu cyfrif Instagram Celfyddydau Rhyngwladol Cymru drwy gydol wythnos yr arddangosiad, gan ddogfennu eu taith a'u profiadau yn Ŵyl Ymylol Caeredin.

Dysgwch fwy am Dyma Gymru yng Nghaeredin 2022 yma
Dilynwch daith carfan Hadu'r Dyfodol i Ŵyl Ymylol Caeredin