Rhaglen Ddiwylliannol Cymru Japan 2025 ウェールズ・ジャパン2025文化プログラム

Cymru. Japan. Dwy wlad sy’n gofalu am y gorffennol. Sy’n byw’n dda yn y presennol. Ac sy’n cyfrannu at greu gwell dyfodol – i bobl ac i’r blaned. Cyfeillgarwch sydd wedi’i feithrin dros ganrifoedd, ond â’i lygad ar y dyfodol.

- Blwyddyn Cymru a Japan 2025, Llywodraeth Cymru

Mae Rhaglen Ddiwylliannol Cymru a Japan 2025 yn ddathliad o'r cysylltiadau rhwng Cymru a Japan drwy'r celfyddydau, creadigrwydd ac ieithoedd. Partneriaeth rhwng Celfyddydau Rhyngwladol Cymru, y Cyngor Prydeinig, a Llywodraeth Cymru, yw hon, ac mae'n rhan greiddiol o Flwyddyn Cymru a Japan 2025 i ddathlu a chryfhau cysylltiadau rhwng ein cenhedloedd.

Mae’r rhaglen flwyddyn o hyd yn bwrw goleuni ar werthoedd a chreadigrwydd unigryw Cymru yn Japan, a rhai Japan yng Nghymru. Mae wedi arwain at 21 o brosiectau ar y cyd, gyda phwyslais penodol ar lesiant diwylliannol, cynaliadwyedd, ac ieithoedd brodorol. A honno’n cyd-fynd â Deddf Llesiant Cenedlaethau’r Dyfodol – darn arloesol o ddeddfwriaeth yng Nghymru – mae’r rhaglen yn cynnwys cyweithiau creadigol sydd wedi’u seilio ar gydraddoldeb, cyfiawnder hinsawdd, cymuned ac iaith.

RHAGLEN DDIWYLLIANNOL CYMRU JAPAN 2025 PDF

この記事を日本語で読む

Four people acting onstage with a cloth puppet. Illustrations in the background

Hijinx 'Meet Fred' - ffotograffydd: Jorge Lizalde

Arddangos celfyddydau a diwylliant yn Japan

Ym mis Hydref 2025, bydd y rhaglen yn gyfle i arddangos celfyddydau, diwylliant, creadigrwydd ac ieithoedd Cymru yn Japan, a hynny mewn digwyddiadau a lleoliadau o bwys. Yn eu plith, bydd:

Keltronika – arddangosfa gerddorol a chelfyddydol o Gymru yn Tokyo, gyda Gwenno, Cian Ciarán, Dean Lligwy a Mark James
Mae Only Boys Aloud yn teithio i Japan and y tro cyntaf i barhau i gyfnewid cerddoriaeth gyda phobl ifanc yn Oita a Kuakyushu ac ar gyfer cyfres o gyngherddau.

Arddangosfa Greadigol a Diwylliannol Cymru i ddiwydiannau creadigol Japan yn Llysgenhadaeth y Deyrnas Unedig, gyda chefnogaeth Cyngor Celfyddydau Cymru, Cymru Greadigol a Media Cymru

Dawns y Ceirw – perfformiad gan Theatr Cymru, a chyfle i arddangos Sibrwd, platfform theatr a thechnoleg Cymraeg, gyda Pharc ac Amgueddfa Genedlaethol Ainu UPOPOY, Hokkaido

S4C yn rhyddhau ffilm Pethau Bychain yn fyd-eang. Arddangosfa amlieithog o ddiwylliant llesiant Cymru, a honno wedi’i chomisiynu gan Celfyddydau Rhyngwladol Cymru i ddathlu dengmlwyddiant Deddf Llesiant Cenedlaethau’r Dyfodol. Gyda Junko Mori, artist Japaneaidd sy’n byw yng Nghymru, a saith o artistiaid eraill; Iestyn Tyne sy’n cyflwyno.

A traditional Japanese style mask on a red radial background with 'KELTRONIKA' in gold text

KELTRONIKA - Cydblethiad Clyweledol Celtaidd | KELTRONIKA （ケルトロニカ）ケルティック・カルチャー・クラッシュ, artwork by: Mark James

Amcanion y rhaglen:

Meithrin y berthynas ddiwylliannol a’r cysylltiadau yn yr economi greadigol rhwng Cymru a Japan, a chychwyn partneriaethau newydd. Bydd y rheini wedi’u seilio ar y nodau llesiant ac ar wreiddio cydraddoldeb ac amrywiaeth ym mhopeth a wnawn.

Gwella gwybodaeth leol am Gymru, ein diwylliant a’n gwerthoedd yn Japan, gan ddatblygu ar raglen 2019, a dod â phrofiadau a gwybodaeth am Japan yn ôl i Gymru

Paper cut artwork on the left, a lady sat in a forest with black bobbed hair, sketching

Mari Wirth ヴィルト　マリ a'i gwaith celf 'What a Young Oak Tree Sees in 200 Years'

Bwrw goleuni ar fodel llesiant diwylliannol unigryw Cymru – gyda phwyslais penodol ar amrywiaeth, y celfyddydau, iechyd a llesiant, ac iaith, gan ddangos ein hymrwymiad i gyfiawnder hinsawdd a chyfraith ysbrydoledig Deddf Llesiant Cenedlaethau’r Dyfodol.

Gweithio gyda Llywodraeth Cymru a phartneriaid o Japan i gynllunio ffordd newydd o weithio ym meysydd y celfyddydau, diwylliant a’r diwydiannau creadigol, gan greu cyfleoedd newydd ar gyfer cyd-fuddsoddi a nawdd.

Pethau Bychain

Byrdwn neges Dewi Sant, ein nawddsant, oedd y dylen ni oll ymrwymo i’r pethau bychain y gallwn eu gwneud sy’n arwain at newid mwy o lawer. Ym myd heddiw, mae’n golygu gweithredu yn lleol i gyflawni amcanion datblygu cynaliadwy byd-eang.

Bro a Byd

Rydyn ni’n bodoli fel rhan o’r ddynoliaeth fyd-eang, a rhaid inni ddeall ein hunain a gweithredu yn y modd hwnnw. Ond os nad ydyn ni eisoes yn gyfartal yma yng Nghymru, sut allwn ni drin pobl eraill y tu allan i Gymru yn gyfartal, heb sôn am gredu bod gan ‘genedlaethau’r dyfodol’, sydd heb eu geni eto, hawliau? Ac felly mae’r byd-eang yn ein dwyn yn ôl at y lleol; rhaid inni wneud ein gwaith gartref yn union fel y gwnawn waith ar y llwyfan rhyngwladol. Nid yw’r ddau beth ar wahân.

allan o adroddiad Watch Africa Cymru, Nid yw Moroedd Mwyn yn creu Morwyr Medrus.